Veldbrande het die naweek op etlike plase in die Vrystaat gewoed. ’n Deel van die N1-hoofroete is in ’n stadium vir verkeer gesluit.
Johann Savage Breytenbach, hoofbestuurder van die Vrystaatse Sambreel-brandvereniging (VSSBV), het bevestig dat brande Vrydag en Vrydagnag op plase in die distrikte Koppies, Ficksburg, Winburg, Vredefort en Kroonstad gewoed het.
Reuse-brande, wat deur ’n wind van ongeveer 30 km/h aangeblaas is, het Vrydagaand aan weerskante van die N1 naby Koppies en Rooipoort gewoed.
