Dit sal dwaas wees om fundamentele en permanente regte prys te gee of tydelik op te skort om ’n tydelike risiko te bestuur, sê Francois Wilken, president van Vrystaat Landbou (VL), oor die moontlikheid van verpligte inentings.
VL sê namate die positiewe invloed van inentings duidelik geword het, het ’n debat ontstaan oor of inentings teen Covid-19 afgedwing moet word.
Wilken sê pres. Cyril Ramaphosa se stelling dat hy sy vorige besluit om nie inentings te verplig nie, wil heroorweeg, het die debat op ’n nuwe vlak geplaas.
