Wat kan gedoen word om te keer dat die swaard van ’n Dag Zero met droë krane weer oor die Kaapstad-metro hang?
Dit is wat navorsers probeer bepaal het toe hulle in die droogte van 2015 tot 2017 probeer vasstel het presies hoe suksesvolle natuurgebonde oplossings die impak van klimaatsverandering op die vloei van riviere kan versag.
’n Span navorsers onder leiding van dr. Petra Holden van die Afrika klimaat-en-ontwikkelingsinisiatief aan die Universiteit van Kaapstad (UK) het veral op uitheemse bome in die opvangsgebiede in die berge in die suidweste van die Wes-Kaap gefokus. Dit is die opvangsgebied van die damme wat water aan Kaapstad voorsien.
