Vakbond beskuldig Gautengse departement van uitbuiting, nepotisme

Lede van die Health and Allied Workers Indaba Trade Union (Haitu) in Gauteng beskuldig die provinsiale departement van gesondheid van uitbuiting en nepotisme.

Motalatale Modiba, woordvoerder van die Gautengse departement van gesondheid, sê egter dat “bewerings van nepotisme aansienlike bewyse vir verdere ondersoek vereis”.

Vakbondlede het Maandagoggend na die kantore van Panyaza Lesufi, Gautengse premier, opgeruk om ’n memorandum van hul eise en griewe te oorhandig.