Stakings: Pasiënte dokter mekaar, medici maak kos

Pasiënte wat mekaar verpleeg, dokters wat ondanks erge intimidasie inspring om kos te maak, skottelgoed te was en wonde te verbind – en mense wat sterf terwyl hulle op kritieke mediese sorg wag.

Dit was die afgelope week die makabere prentjie by staatshospitale oor die land heen te midde van die verlammende loonstaking deur die vakbond Nehawu.

Een van die hospitale wat die ergste onder die staking deurgeloop het, is die Pelonomi-hospitaal in Bloemfontein.