Eiendomsagente: Man erken hy het hom ontbloot

’n Man het Vrydag in die streekhof in Gqeberha skuld beken op 13 aanklagte dat hy homself onbetaamlik ontbloot het aan 13 vroulike eiendomsagente.

Dit is ’n oortreding van artikel 8 van die Wysigingswet op die Strafreg.

In ’n skuldooreenkoms wat deur sy prokureur voorgelees is, het die 36-jarige Nicolaas van der Merwe gesê hy het WhatsApp-video-oproepe aan eiendomsagente gemaak terwyl hy kaal op die bed gelê en masturbeer het. Sy dade was sigbaar op die video-oproepe.