Vier van die vyf beskuldigdes wat van die moord op Natasha Barnard net meer as ’n jaar gelede in ’n kroeg in Fochville verdink word, vra nou dat die saak teen hulle teruggetrek word.
Maryna Doyle (37), Sidney Scheepers (41), Twane Wienand (31) en Dave Lourens (45) se regsverteenwoordigers het vandeesweek vertoë by die dorp se landdroshof ingedien dat die aanklagte teen hulle teruggetrek word.
Dis nie duidelik of Rudolph Pretorius (23) ook soortgelyke vertoë gaan rig nie, maar dit was nog nie ingedien toe die saak Vrydag weer in die hof voorgekom het nie.
