Die vonnisverrigtinge van ’n gewese takbevelvoerder van die polisie se eenheid teen gesinsgeweld, kindermishandeling en seksuele geweld (GKS) in Frankfort is in die rondgaande hooggeregshof in Sasolburg gestaak nadat dit Maandag bekend geword het dat hy in ’n motorbotsing dood is.
Na verneem word, is kapt. Lerole Schadrack Motsoeneng (59) dood toe die motor waarmee hy gery het Sondag in Mpumalanga van voor teen ’n vragmotor gebots het.
Motsoeneng is twee maande gelede deur regter Phillip Loubser aan seksuele aanranding, verkragting, vervalsing, korrupsie en poging tot afpersing skuldig bevind.
