Die appèl deur die direkteure van ’n Gupta-entiteit wat onder sakeredding is om in ’n ander Gupta-entiteit, ook in sakeredding, se sakereddingsplan (SRP) te mag stem, het Vrydag in die appèlhof in Bloemfontein misluk.
Appèlregter Nolwazi Mabindla-Boqwana het die appèl van Ronica Ragavan, Ravindra Nath en Ashu Chawla, van Tegeta Exploration & Resources, ’n Gupta-entiteit, om in ’n vergadering van Optimum Coal Terminal, ’n ander Gupta-entiteit, te mag stem met koste van die hand gewys.
Albei Gupta-entiteite is onder sakeredding.
