’n Katelknaap wat sy vrou glo met die kop in die gesig gestamp het, se aansoek om tussentydse onderhoud van R21 000 per maand totdat hul egskeiding afgehandel is, is in die hooggeregshof in Kaapstad geweier.
Só ook is die 32-jarige man se aansoek dat sy 52-jarige vervreemde vrou R200 000 tot sy regskoste vir die komende egskeiding bydra, deur regter Deidre Kusevitsky van die tafel gevee.
In sy aansoekstukke sê die nutsman hy kan homself nie onderhou nie. Hy woon in ’n “houthuisie” (wendyhuis) op ’n plaas.
