João (Jan) Roderigues, die polisieman wat daarvan beskuldig word dat hy die anti-apartheidsaktivis Ahmed Timol in 1971 vermoor het, het skuld op die jare lange onsedelike aanranding van sy dogter beken.
Tilana Stander het in 2019 klagte teen haar pa aanhangig gemaak omdat sy na bewering van agtjarige ouderdom seksueel mishandel is.
Stander het die organisasie Women & Men Against Child Abuse (WMACA) gekontak om haar by te staan nadat die Strafproseswet gewysig is om die verjaringstydperk van 20 jaar vir vervolging in sake van seksuele misdrywe op te hef.
