’n Egpaar van Welkom eis honderdduisende rande van ’n skool en ’n onderwyseres op die dorp nadat hul seuntjie vroeër ernstig op ’n glyplank by dié skool beseer is.
Luidens die eis, wat vroeër by die hooggeregshof in Bloemfontein ingedien is, was die seuntjie twee jaar oud ten tyde van die voorval op 30 Januarie 2020 by die Welkom Volkskool Preprimêr.
Die seuntjie was veronderstel om onder toesig van Lisa Pakeman, ’n onderwyseres, te wees, maar was sonder toesig toe hy “ernstige beserings” opgedoen het, lui die eis van die ouers.
