Reeva se ma aanstaande week van aangesig tot aangesig met Oscar

Vir die eerste keer in bykans sewe jaar sal June Steenkamp eersdaags weer van aangesig tot aangesig met haar dogter Reeva se moordenaar kom.

Oscar Pistorius se paroolsitting is geskeduleer vir die einde van vandeesmaand sodat ’n besluit geneem kan word of hy vrygelaat moet word.

Tania Koen, die Steenkamps se prokureur, het bevestig dat June wel Pistorius se paroolsitting op Vrydag 31 Maart by die Atteridgeville-gevangenis in Pretoria gaan bywoon.