In ’n ongekende stap het Zurenah Smit, weduwee van die vermoorde Stellenbosse wynboer, Stefan Smit, die hooggeregshof in Kaapstad in kennis gestel dat sy by ’n volbank regters appèl gaan aanteken teen regter Babalwa Mantame se uitspraak in April 2022 dat sy nie uit haar man se boedel mag erf nie.
Mantame het in April vanjaar Zurenah se beweerde betrokkenheid by haar man se moord op 2 Junie 2019 as “misdadig, laakbaar en betreurenswaardig,” beskryf. Mantame het in haar uitspraak gesê Zurenah moet sonder twyfel gestraf word.
’n Regsfirma wat Smit se twee dogters uit sy eerste huwelik verteenwoordig, het Zurenah in ’n daaropvolgnde skrywe egter daarop gewys dat sy haar nie tot ’n volbank regters mag wend alvorens sy nie by die verhoorregter – in dié geval Mantame – aansoek gedoen het vir verlof tot appèl en die appèl goedgekeur is nie.
