Die vrou van die sendingdorpie Elim naby Bredasdorp wat op 12 Julie dood in haar huis in Proteastraat gevind is, is verwurg met ’n blou tou wat haar gewese man na bewering aan haar vermeende moordenaar gegee het.
Speurders van die Bredasdorp-polisiekantoor het Charlene October se gewese man, Ashley October (38), Woensdag in Elim in hegtenis geneem.
October het Donderdag in die landdroshof in Bredasdorp saam met Tashwell van der Rheede (32) verskyn. Van der Rheede is in Augustus in verband met Charlene se dood in hegtenis geneem.
