IN-DIEPTE | SA se wapenbedryf ‘vernietig’; self ’n weerlose teiken – kenners

Die Suid-Afrikaanse wapenbedryf is ’n skadu van wat dit eens was en terwyl ons op uitvoere moet steun, is ons self aan veral terreurbedreigings blootgestel.

So vertel dr. Jakkie Cilliers, hoof van die Instituut van Sekerheidstudies (ISS).

“Die wapenbedryf sukkel. Ons het ’n gesofistikeerde wapenbedryf gehad en ons het dit vernietig. Die markte waarna ons uitvoer, is nie groot markte nie en ons wapentuig is eintlik nie meer gesofistikeerd genoeg nie.