Kern-inspekteurs van die Verenigde Nasies (VN) het uitgevind dat sowat 2,5 ton natuurlike uraan vermis word wat voorheen op ’n Libiese terrein gehou is wat nie onder regeringsbeheer is nie.
Rafael Grossi, direkteur-generaal van die Internasionale Atoomenergie-agentskap (IAEA), sê inspekteurs het Dinsdag uitgevind dat tien vate wat uraanerts-konsentraat bevat, “nie teenwoordig was soos wat voorheen verklaar is nie”, berig The Guardian.
Grossi sê die IAEA sal verder optree “om die omstandighede van die verwydering van die kernmateriaal en die huidige ligging daarvan te bepaal”.
