Elon Musk se breininplantingsmaatskappy Neuralink het Donderdag gesê die Amerikaanse kos-en-medisyne-owerheid (FDA) het goedkeuring vir sy eerste menslike kliniese proefneming gegee.
Neuralink sê in ’n inskrywing op Twitter die goedkeuring deur die FDA is ’n belangrike eerste stap wat sy tegnologie eendag in staat sal stel om baie mense te help.
Die maatskappy brei nie uit oor die doelwitte van die studie nie, maar sê hy werf nog nie mense hiervoor nie en meer besonderhede sal binnekort beskikbaar wees.
