Jong vrou in VSA se kêrel betrek by haar verdwyning

Die kêrel van ’n 22-jarige vrou wat vermis geraak het nadat sy ’n landwye reis in ’n paneelwa saam met hom onderneem het, is as ’n persoon van belang in die saak geïdentifiseer, het die polisie in Florida in Amerika Woensdag gesê.

Gabby Petito het in laat Augustus kontak met haar familie verloor. Sy was glo voor dit in Wyoming, het die polisie gesê.

Brian Laundrie het op 1 September alleen teruggekeer na die huis wat hy met sy familie en Petito in North Port, Florida, deel.