Australiese sterrekundiges het ’n “draaiende voorwerp” ontdek wat sarsies energie in presiese tussenposes vrystel. Navorsers het aan die Duitse openbare uitsaaier, Deutsche Welle, gesê wetenskaplikes het nog nooit vantevore iets soortgelyks in die ruimte waargeneem nie.
Tyrone O’Doherty, ’n Australiese student, het verlede jaar aan sy voorgraadse navorsingsverslag gewerk toe hy die raaiselagtige voorwerp die eerste keer opgemerk het toe hy radiogolwe karteer.
Volgens die astrofisikus Natasha Hurley-Walker stel die voorwerp “klokslag elke 18,18 minute” energiepulse vry.
