’n Skaap wat skeerders minstens vyf jaar lank ontwyk het, kan vir die eerste keer in ’n lang tyd sien nadat sy massiewe wolkaros van 34 kg afgeskeer is.
Baarack, soos hy gedoop is by die diereskuiling Edgar’s Mission in Lancefield, Victoria, lyk soos ’n nuwe skaap nadat hy lank op sy eie oorleef het. Hy is vroeër vandeesmaand sowat 64 km noord van Melbourne in ’n beboste wildernisgebied aangetref.
Dit het sowat ’n uur geneem om al die wol af te skeer, ’n takie wat gewoonlik net ’n paar minute neem.
