2-jarige oorleef ‘wonderbaarlik’ nadat sy van 1ste verdieping val

’n Tweejarige dogtertjie van Randburg het “wonderbaarlik” oorleef nadat sy op die eerste verdieping van die gesin se meenthuis by die venster uitgeval het.

Leah Pienaar (2) het Maandag kort ná haar verjaardag saam met haar suster, Emma, gespeel toe sy die venster in die kamer oopgemaak het.

Volgens Magda van Tonder, Leah se ma, speel hulle gewoonlik in die kamer en is dit die eerste keer dat Leah daarin slaag om die venster oop te maak.