Die trane het geloop toe boer Francois (50) van Oudtshoorn op die realiteitsprogram Boer soek ’n vrou ’n dik pak briewe ontvang van vroue wat daarin belangstel om hom beter te leer ken.
Francois, ’n volstruisboer, is een van die vyf topboere wat liefde sal soek in die 15de seisoen van die program, aangebied deur Marciel Hopkins.
Die ander boere is Louis B. (26) van Ottosdal in Noordwes, wat ook die meeste briewe ontvang het, Louis M. (26) van Mabula in Limpopo, Hennie (35) van Moorreesburg in die Wes-Kaap, en Philru (26) van Petrus Steyn in die Vrystaat.
