Boer van Willowmore behaal sybokhaar-rekord

’n Wêreldrekord is nie iets wat baie mense in hul leeftyd behaal nie, maar Fred Colborne van FEC Farming in Willowmore kan ná afloop van die bokhaarveiling op Port Elizabeth met hierdie prestasie spog.

Die boerdery se BSFFK-baal het vir R1 051/kg verkoop – die hoogste prys tot nog toe vir sybokhaar op ’n openbare veiling.

FEC Farming, ’n vierde-geslag-boerdery, boer tans met ongeveer 5 000 angorabokke, wat hul hoofbron van inkomste is, asook tussen 500 en 600 merinoskape.