Die Afrikaanse sanger en akteur Valiant Swart se vrou, Lanelle, was Donderdagaand in trane toe mense in Pretoria derduisende uitgehaal het ten bate van haar gesondheid.
’n Veiling is Donderdagaand by The Blue Crane-restaurant gehou en mense het tot R70 000 opgedok vir van Swart se kitare en handgeskrewe lirieke van liedjies soos “Sonvanger” en “Eyeshadow”.
Dié geld is ten bate van behandeling wat Lanelle se lewe sal vergemaklik. Ná ’n kankeroperasie twee jaar gelede het komplikasies ingetree wat tot limfedeem in haar been gelei het.
