Daar was Sondag hoop vir die Muller-gesin nadat klein Marno Muller (5) uiteindelik wakker geword het uit ’n medies geïnduseerde koma.
Ná byna drie weke sedert hy byna verwurg het toe die toutjies van sy kappietop aan die glyplank vasgehaak het, is hy wakker, maar daar is nog ’n lang pad voor, het sy ma, Helga, Sondag aan Netwerk24 gesê.
“Marno het Sondag wakker geword nadat die dokters hom uit verdowing gehaal het. Hy is stabiel, maar kry steeds suurstof en is steeds aan masjiene gekoppel. Hy kry ook onttrekkingsimptome.
