Trane van blydskap het oor ’n groep helpers se wange gerol toe hulle ’n vroeggebore baba sover kon kry om self asem te haal nadat hulle die kind op ’n grasperk voor ’n dierekliniek in die wêreld help bring het.
Dié buitengewone geboorte het hom Donderdag voor die Villiersdorp-dierekliniek afgespeel toe ’n 20-jarige ma wat kontraksies begin kry het en te voet op pad was om mediese hulp te bekom, nie verder kon loop nie.
Sy het op die gras voor die dierekliniek gaan sit en toe Michelle Rademeyer, ontvangsdame by die kliniek, haar gewaar, het sy mediese hulp ontbied.
