Jong man van Bloem dood ná maand in koma

’n Jong man van Bloemfontein is dood presies ’n maand nadat hy in ’n motorfietsongeluk was. Hy was sedertdien in ’n koma.

Juan-Pierre (JP) Viviers (23), is Dinsdagoggend vroeg in die Pelonomi-hospitaal in die stad dood. Hy het breinskade opgedoen in die ongeluk op 4 April by die kruising van Curielaan en Olive Grinter-weg, in die suidelike voorstede.

JP se meisie, Elize van Niekerk (18), was saam met hom op die motorfiets. Sy het haar arm op twee plekke gebreek en ook haar been gebreek.