Mariaan Kotzé, ’n skilder van Bloemfontein, se kleurvolle werke van veral vroue met voëls en vlinders skep ’n gevoel van vrede in ’n wêreld ná Covid-19 wat voel asof hy uitmekaar val. Sy vertel van die magiese wêreld waarheen sy glip as sy skilder en waarheen sy die kyker neem. Charles Smith het met haar oor dié wêreld gesels.
Die simbole wat sterk deurkom, is die vrou met voëls om haar met vlerke, vere en die maan en sterre wat opduik.
In een reeks van drie klein beelde word die mens, stoel en vlerke vervleg: Die stoel se bene word die mens se bene en op die rug groei vlerke.
