Redding: Ma klou vas aan oorskot van baba wat in berg gebore is

Met die oorskot van haar pasgebore seun teen haar bors vasgehou het reddingshelikopters ’n ma Donderdagoggend van ’n berg naby Ceres na veiligheid gebring.

’n Treurspel het hom afgespeel in die tweede bergredding in die gebied ná die naweek se redding langs die Witelsrivier in die Waaihoekberge.

Die ma van Plettenbergbaai en haar gesin was deel van die jongste groep mense wat die Witels-staproete probeer voltooi het, maar vasgeval het weens die rivier wat sterk afgekom het.