Die minnesanger Rudi Claase moes bontstaan nadat hy Woensdag ’n inskrywing op Facebook oor die diamanthandelaar Louis Liebenberg en sy vrou gemaak het waarin hy hul lof besing.
Drama het gevolg nadat Claase geskryf het: “L & D, Julle is vandag gestol in my gedagtes. Hierdie twee ‘Juwele’. Ek wens die wêreld besef werklik hoe kardinaal dit van belang is dat ons mense KEN voordat ons ‘weet’ wie hul is. Lief vir julle . . . ’n voorreg om jul te ken . . . te vind . . . Te onthou (sic).”
Claase het Dezzi, die blonde eiendomsagent met wie Liebenberg in Oktober op ’n spoglandgoed in Pretoria getroud is, en Liebenberg se Forever Diamonds and Gold-blad in die inskrywing bygehaak.
