Toks van der Linde, oud-Springbok en voormalige aanbieder van die gewilde TV-program Toks & Tjops, het ’n nuwe pos – as hoofinkomstebeampte van die veiligheidsmaatskappy Phangela Group.
Van der Linde het in Oktober verlede jaar ná 12 jaar as aanbieder by Toks & Tjops bedank. Hy is kort daarna tydens ’n emosiebelaaide episode gegroet en Janina Oberholzer, een van sy mede-aanbieders, het sy uittrede as ’n “groot skok” beskryf.
Van der Linde het aan Hanlie Retief in Rapport vertel die program was sy “passie” en sy “stokperdjie”. Hy het sedert 2013 vir Ohlthaver & List, die grootste maatskappy in Namibië, gewerk.
