Twee bomme het gebars in Donderdagaand se episode van Die real housewives van die Wynlande, en Karen Schwendtke (48) was die middelpunt van albei.
Reeds vroeg in die episode het Karen en Mariska Thorpe (39) eenkant gaan sit om die strydbyl tussen hulle te probeer begrawe, maar Karen het die strydbyl skynbaar eerder opgeneem.
“Ek het nie ’n probleem met jou nie, ek dink jy is die mooiste, mooiste vrou,” het Karen aan Mariska gesê. “Maar ek dink jy is f****n loud, en jy hoef nie te wys dat jy mooier is nie. Dit het vir my gevoel asof jy al die aandag op jou wil hê, en ek hou nie daarvan nie.”
