Zachary (3) kry eerste behandeling met duur middel ná hof ingryp

Skaars ’n week nadat die hooggeregshof in Pretoria Medihelp beveel het om klein Zachary de Wet (3) se peperduur medisyne te betaal, het hy sy eerste behandeling ontvang.

Zachary, van Pretoria, ly aan mukopolisakkaridose tipe 2, ook bekend as Hunter-sindroom. Dit kom in een uit sowat 100 000 tot 170 000 seuns voor.

Die toestand word deur ’n ensiemtekort veroorsaak en gekenmerk deur geleidelike fisieke en verstandelike agteruitgang.