Moroadi Cholota, eertydse persoonlike assistent van Ace Magashule, voormalige premier van die Vrystaat, en wat saam met Magashule en ander medebeskuldigdes in die asbesdakke-saak in die hooggeregshof in Bloemfontein teregstaan, is in Amerika in hegtenis geneem en in aanhouding weens die oortreding van immigrasiewetgewing daar.
Cholota is einde Januarie in Amerika in hegtenis geneem nadat haar studie-visum einde Desember verstryk het.
Netwerk24 verneem op goeie gesag dat Cholota, beskuldigde nommer 17 in die asbesdakke-saak van R255 miljoen in die Vrystaatse hooggeregshof, in aanhouding sal bly tot haar verhoor daar weens die oortreding van die bepalings van haar visum.
