As deel van die polisie se Veilige Feestyd-operasie is meer as 30 mense van Donderdag tot Sondag in die Tuinroete in hegtenis geneem in verband met verskeie misdade.
Die operasie Vala Konke word deur die Wes-Kaapse polisiebestuur gelei in samewerking met Wes-Kaapse provinsiale en munisipale verkeersowerhede, ander wetstoepassingseenhede en gemeenskapsveiligheidstrukture. Beslag is gelê op dwelms, drank en gevaarlike wapens.
Die operasie het padblokkades, besoeke aan dwelm- en drankverkoopplekke en patrollies by winkelsentrums en in misdaadgeteisterde gebiede ingesluit.
