Die Valke in Mpumalanga het in samewerking met forensiese ondersoekers ’n Eskom-werknemer Vrydag in hegtenis geneem oor bedrog van sowat R14,7 miljoen.
Eskom sê in ’n verklaring die verdagte, ’n werknemer van die Matla-kragstasie, was glo betrokke by “bedrieglike aktiwiteite toe sy as senior aankoper in 2014 by die Arnot-kragstasie gewerk het”.
Dineo Lucy Sekgotodi, Valke-woordvoerder, sê die inhegtenisneming van Thandeka Innocentia Nkosi (42) is deel van ’n operasie om korrupsie binne Eskom se geledere hok te slaan.
