Groter duidelikheid oor die pad vorentoe sal waarskynlik in April verkry word nadat Ramarumo Monama, die regter in die saak teen drie polisiemanne wat van die moord op die 16-jarige Nathaniel Julies van Eldoradopark aangekla word, oorlede is.
Monama is volgens inligting Donderdag ná ’n kort siekte oorlede.
Nathaniel, wat Downsindroom gehad het, het in Augustus 2020 naby sy ouerhuis in Eldoradopark in die suide van Johannesburg gaan koekies koop toe hy na bewering deur die polisiebeamptes geskiet is.
