’n Skietery Maandagaand tussen polisielede en vermeende bendelede in ’n huis in die Oos-Kaap het tot die dood van een man gelei en ’n polisielid gewond gelaat.
Die onafhanklike polisieondersoekdirektoraat (Opod) het Dinsdag gesê hy ondersoek ’n skietvoorval om 20:00 die vorige aand toe polisielede inligting opgevolg het wat na ’n huis in Walmer, Gqeberha, gelei het.
Volgens Opod was die polisie besig met ’n ondersoek na ’n vermeende bendelid wat met verskeie skietvoorvalle in Walmer verbind word.
