Polisie ondervra 3 oor moord op Duitse toeris

Die polisie in Mpumalanga hou drie mense tans aan vir ondervraging in verband met 'n Duitse toeris wat Maandag doodgeskiet is.

Lirandzu Themba, woordvoerder vir Bheki Cele, minister van polisie, het die inligting op Twitter bekend gemaak.

Cele het Woensdag die toneel naby Witrivier, waar Jörg Schnarr (67) voor sy vrou, Vera, en twee vriende, Reiner en Andrea Nüchter, doodgeskiet is, besoek. Die vier was op pad na 'n lodge naby die Numbi-hek van die Krugerwildtuin toe die voorval gebeur het.