Drie weke voordat die lyke van ’n tweeling in hul motor buite Simonstad gevind is, het een van die broers ’n bendelid tydens ’n rooftog by hul blyplek in Kaapstad doodgeskiet.
’n Kennis van die broers Jason en Leonard Rom (44) het aan Rapport vertel Leonard het ’n vriend in Johannesburg gebel met die nuus dat hy ’n inbreker, lid van ’n “coloured gang”, by hul verblyfplek in die Kaap uit noodweer doodgeskiet het.
Volgens die vriend was Leonard paniekerig dat hy en sy broer uit vergelding leed aangedoen kon word.
