KYK | Taxibestuurder slaan ruite van 19-jarige se VW-kewer stukkend

Die ruite van ’n 19-jarige man se Volkswagen-kewer is deur ’n minibustaxibestuurder in Durbanville uitgeslaan in ’n aanval op die jong man toe hy die taxibestuurder begin afneem het toe hy roekeloos voor verkeer ingedruk het.

Susan, die 19-jarige se ma, het Donderdag gesê haar seun het Maandagoggend pas sy suster by die skool gaan aflaai en was op pad terug huis toe toe die voorval gebeur het. Sy het gevra dat hul van en haar seun se naam nie genoem word nie om sy identiteit te beskerm.