Knysna “moes nooit die lys van top-toerismebestemmings in die wêreld gehaal het nie as ’n mens kyk na ’n hoop vullis wat daagliks groter word, mense wat in die openbaar urineer en die ondraaglike reuke” in die gebied rondom Unity- en Montagustraat.
Dit is die mening van omgekrapte inwoners van Knysna wat wys na die hoop rommel waarop mense uit hul kantoorvensters in die gebied moet uitkyk. Op foto’s van die rommel kan swart sakke, vrot kos en bokse gesien word.
“Dit is reg voor ons kantoorvenster. Ons kyk letterlik elke sekonde daarop uit,” het ’n kantoorwerker gesê.
