Die veelparty-koalisie in die Tshwane-metro dreig om die hof te nader om ’n interdik teen die ANC en EFF te bekom weens die “ondermyning van demokrasie”.
Dit kom nadat ’n beoogde mosie van wantroue teen Mncedi Ndzwanana van die African Transformation Movement (ATM) en speaker van die Tshwane-metro nie Maandag plaasgevind het soos beoog is nie.
Ndzwanana is onlangs met die steun van die ANC en EFF tot speaker verkies nadat 69 stembriewe van DA-raadslede as bedorwe beskou is omdat die stembriewe merke opgehad het wat die geheime stemming belemmer.
