Stadsbeplanning op munisipale vlak in Suid-Afrika sal voortaan drasties moet verbeter om inwoners meer doeltreffend teen vloede te beskerm, sê pres. Cyril Ramaphosa.
Hy het Dinsdagmiddag so aan joernaliste gesê toe hy Port St. Johns besoek het nadat mense verlede week Donderdag in dié Oos-Kaapse dorp en omliggende gebiede in oorstromings dood is en eiendom en openbare infrastruktuur beskadig is.
Mense van Port St. Johns, Ingquza Hill, Nyandeni en King Sabata Dalindyebo is ontwortel, terwyl noodsaaklike infrastruktuur, waaronder water- en elektrisiteitsdienste, erg ontwrig is. Paaie is verspoel en brûe het ineengestort.
