Munisipale bestuurder vir Theewaterskloof aangewys

Boy Manqoba Ngubo, wat sedert Junie as munisipale bestuurder van Theewaterskloof waargeneem het, is voltyds in die pos aangestel.

Die raad het Donderdag besluit om hom aan te stel nadat tien kandidate vir die pos oorweeg is. Hy sal vir ’n termyn van vyf jaar dien.

Die Theewaterskloof-munisipaliteit bedien dorpe soos Grabouw, Caledon en Villiersdorp in die Overberg. Dit word deur ’n koalisie van die ANC, Good en die Patriotic Alliance regeer. Die DA was voorheen aan bewind.