Opknappingswerk van sowat R300 miljoen gaan gedoen word aan die deel van die Sir Lowryspasrivier wat van die N2-snelweg deur Gordonsbaai tot in die see vloei.
Die Kaapstad-metroraad moet Donderdag die finale goedkeuring gee vir die tender. Omdat die werk oor meer as drie begrotingsjare strek, is daar spesiale toestemming nodig vir die projek.
Werk gaan aan 2,4 km van die rivier gedoen word met onder meer nuwe infrastruktuur om die impak van oorstromings te verminder, nuwe pypleidings, heinings en toegangspaaie wat aangebring gaan word.
