Einde van geblikte leeus uiteindelik in sig met konsep-witskrif

Die einde van die geblikte leeubedryf is uiteindelik in sig.

Die eerste stap na wetgewing om dié bedryf finaal te sluit, is verlede week gegee toe die kabinet die konsep-witskrif oor die bewaring en volhoubare gebruik van Suid-Afrika se biodiversiteit goedgekeur het.

Met dié konsep-witskrif wil die departement van visserye, bosbou en die omgewing die toegang en volhoubare gebruik van biodiversiteit vir almal in die land moontlik maak, het Barbara Creecy, minister, Maandag gesê.