Man verheug om slange te sien ‘dans’

’n Slangvanger van Durban het vroeër vandeesweek ingegryp in ’n geveg tussen twee swartmambas in ’n voorstedelike tuin en ’n tamaaie gevang.

Nick Evans vang al jare lank slange, wat hy op veilige plekke vrylaat. Hy het ook al by slangparke gewerk, maar die swartmamba wat hy Dinsdag gevang het, is die grootste wat hy nog gesien het.

Evans sê hy het Dinsdag ’n oproep van ’n vrou in Escombe buite Durban ontvang oor twee swartmambas wat in haar erf “dans”.