Omgewingsaktiviste dring by die ANC-regering aan om oop kaarte met hulle te speel oor wie die Russiese toetsvaartuig die Akademik Aleksander Karpinski toestemming gegee het om in die Kaapstadse hawe anker te gooi.
Dit is voordat die skip na Antarktika vertrek om vermoedelik seismiese toetse vir olie en gas te doen.
Greenpeace en Extinction Rebellion in Kaapstad dring daarop aan dat die skip toegang tot die hawe geweier word as dit na Rusland terugkeer wanneer die “projek” by Antarktika afgehandel is.
